Cask Fuller's London Pride

Direición: C/Estación, 19-21. Avilés
Teléfonu: 678 774 336



Comentarios: Nun fai muncho xubimos una crónica al blogue falando d'ún de los templos de la cerveza n'Asturies, El Cabanón, con una sensacional Cata de Cerveza Belga maridada con Quesos

Esta vegada llamáronnos pa la presentación n'Asturies de la cerveza Real Ale Inglesa, Fuller's London Pride, presentáu en forma tradicional, "Cask Ale o Real Ale". Cuntámosvos el so procesu, porque ye apasionante.


Tradicionalmente, la cerveza inglés comercializáse'n barriles de madera, qu'empezaron a ser reemplazaos por barriles d'aceru o aluminiu a mediáos del S.XX. Hai dos tipos de barriles de metal: los cask y los keg. Los más conocíos son los Keg, que tienen una válvula que dexa inyectar gas nel barril cuando s'estrayi'l llíquidu (vamos, los barriles de caña a los que toos tamos acostumáos). 


Los barriles tipu Cask tán diseñaos pa que la cerveza salga ensin necesidá d'inyectar gas o de pasar por un enfriador. Contien cerveza ensin penerar, pasteurizar nin carbonatada artificialmente,  ello ye que'l so periodu de consumu suel ser llindáu yá que sigue lleldando dientro'l barril. Ye por esto que ye bien complicao atopar un barril d'esti tipu fora les Isles Britániques.


Afortunadamente un pequenu grupu d'hosteleros n'Asturies tán trabayando perbién y la cerveza ta reponiendo'l sitiu que merez. Poder beber un productu tradicional d'alta calidá tan esclusivu ye un auténticu lluxu. Y la iniciativa nun namás llindóse al Cabanón, esa mesma selmana, nun eventu ensin precedentes, amestáronse al entamu les Cerveceríes Lúpulo Féroz (Uviéu), Cimmeria (Uviéu), Ca Beleñu (Uviéu), La Cantina (Avilés),  IPA la Cervecería del Millón de Ibus (Xixón) y Sr.Lúpulo (Xixón). Como veis, la salú cervecera n'Asturies gocia de bona salú.


Nesta ocasión la cerveza escoyida foi la famosa London Pride de la marca Fuller, cerveza de sobra conocida qu'hasta vamos poder atopala nos supermercaos. Quiciabes sía la cerveza inglés más famosa, col so estilu bitter tan peculiar, llixera (unos 4,5%) y fácil de beber. Lo más chocante de tomar la cerveza al estilu cask ye que se toma a temperatura ambiente y nós tamos acostumáos a tomala fría abondo. Eso supon otra manera más reposada de tomar la cerveza, al estilu de les más alcohóliques, que nos dexa saborguiar muncho más el típicu amargor inglés. 


Amás, Pablo acompangó la presentación de la cerveza d'un Xamón Ibéricu  Juanela del que dimos bona cunta gracies al trabayu de la xamonera que nos lo presentó bárbaro. 


Tou esto nun sería posible ensin el trabayu por detrás d'Andres Torre (distribuidor de cerveza y propietariu del Lúpulu Féroz) y l'apueste de les cerveceríes mentaes enantes. Cualesquier que deseye'l so teléfonu de contactu, nun tien más que ponese en contautu con nós.


Y ensin que sirva de precedente, dexámosvos un video de l'apertura del barril 

 


0 comentarios :

Publicar un comentario