Publicidá

Blog Archive

Contact Me

Nombre

Correo electrónico

Mensaje

Hover Setting

default

Mesón Manger

Direición: Recatelo, 6.27002 LugoEspaña
Teléfonu: 982 228 921

Calidá: 3/5

Preciu: 20 €

Comentarios: Aprovechando fin de selmana colamos a Llugo a visitar unos amigos y como nun podía ser d'otra forma dexamos a los anfitriones la xera d'acutar los llugares onde podíamos fartar.

Asina nos xuntemos 8 comensales nesti afayadizu mesón que s'atopa asitiáu pela redolada de la muralla, mui cerca de la catedral

Cuando nos sentamos yá nos taba esperando un entrante de llacón pa dir abriendo boca mientres decidíamos lo que díbamos cenar.



Decidimos por pidir dellos platos pa compartir, ente ellos una tortiella y unes croquetes, la tortiella taba bona ensin más y les croquetes sabroses y suaves.




Depués traxéronnos unos llagostinos al ayu perricos y amás, yá que tábamos en Llugo nun podía faltar el pulpu, espectacular, nel so puntu.



Y d'últimes traxéronnos un chuletón pa compartir, un detalle l'enseñanos la pieza antes d'estazala, un bon chuletón de 2 quilos, a ver quien ye'l valiente que lu consigue acabar él solo. Xuntu al pulpu foi la gran estrella de la nueche, tiernísimo y bien ricu.



Pa terminar traxéronnos un postre que consistía nun cachu de tarta y un frixuelu.


 Pa terminar y acompangar los cafés, unos clines d'oruxu café y crema d'oruxu pa baxar la fartura y poder dar una vuelta pela ciudá de nueche.


En total tocamos a 20 euros per cabeza, si pasáis por Llugo ye un sitiu recomendable. Ye baratu y cómese perbién, sobremanera el pulpu y'l chuletón que fueron el mayor aciertu la nueche.


No hay comentarios

Publicar un comentario