Contact Me

Nombre

Correo electrónico

Mensaje

Hover Setting

default

Married

PESLLÁU

Direición: Plaza Trascorrales, 19 - Oviedo / Uviéu
Teléfonu: 984 283 644



Recomendaciones: Menú Degustación


Web: http://marriedcocina.eu/
Facebook: https://www.facebook.com/marriedcocina
Twitter: [@marriedcocina] https://twitter.com/marriedcocina


Calidá: 5/5
Preciu: 66€


Comentarios:  Teníamos una espina clavada col Married, fuimos cenar va 2 años y por un cambéu de móvil perdí les semeyes. Asina que tengo una crónica escrita sobre una esperiencia maraviyosa que nun pudi publicar na web por falta semeyes.

Asina que volvimos, esta vegada cámara'n mano, a esfrutar d'una cena maraviyosa. El trabayu que fai César, nun local tan pequenu (suel enllenase, señores, acuten), tien un méritu increíble. Agora'l Menú cuesta 10€ más que fai 2 años, pero sigue siendo una opción de cena bien algamadiza pal tipu de cocina del que vas esfrutar.

César anueva menú delles vegaes al añu, y dientro d'eses variaciones, busca y camuda coses pa dir puliendo una esperiencia única. Nesta ocasión, pudimos esfrutar d'un postre más por cuenta la celebración del Desarme n'Uviéu. Como yera poca comida ...

... pero empecemos dende'l principiu.


Mientres nos canten el menú, tráennos una Mantequilla Casera d'Algues ya Ibéricu acompañada d'una Pomarina Brut. La Mantequilla xenial: suave, rica, enllena de matices, distinta, orixinal ... mui rica.


La Pomarina, ye la más simple de toles sidres brut qu'hai nel mercao, enfresca pero nun aguanta nada. Bona burbuya, pero apostaríamos meyor por otres Brut Nature más complexes. Entá con tou, empezar la cena con una Sidra siempres ye d'agradecer y ye una gran noticia que los grandes restoranes d'Asturies apuesten pola sidra asturiana.


Cucuruchu xeláu de Gamonéu con Mueyu d'Anchoes. Ún de los favoritos de la nueche. Platu arriesgáu qu'entemez sabores tan fuertes como'l Gamonéu y les anchoes, pero que casa perfectamente con esi dulzor del cucuruchu. Entra fuerte'n boca, pero dexa un gustu maraviyosu.


Tosta de Foie con Cebollina Morada. Versión. Cruxiente, con una testura impresionante. L'amestu del foie col dulce per rico.


Siguimos col Ravioli d'Estofáu de Calamar y Papada Ibérica "Joselito" sobre Cremosu de Pataca Áceda, culis de Pimientos del Padrón y Aire de Yema Turrada. Otra de les estrelles de la nueche. Fascinante. Tien un toque picante buenísimo. Solo tenéis que ver la semeya pa salivar. Pergrande platu.


Berenxena Asada glaseada con caldu turrao de Bonitu y cachos de Quesu Majonero cabra. L'únicu platu que caltien d'otros menúes. La estrella la casa. Y qué platu.


La combinación de la berenxena col bonitu, yá ye conocida pero'l toque que-y da'l quesu majonero (canariu) lo catapulta.


Yema de güevu curada nuna marinada oriental recostada sobre grasa de pita, espirales de Ras el Hanout y crestes en tempura. Otru pergrande platu con una testura y un toque picante que nos encanta. El curry anubre'l platu ensin llegar a matalo. La testura de la cresta de gallu queda perfecta cola "grasa" la pita. Un platu fascinante.


Llegamos a los platos principales. Hasta agora, la comida foi inmeyorable, y los platos principales nun se quedaron atrás.


Pixín al Fornu gratináu con Crema de Chirivías, Suquet de Moxón de Roca y Paccheris con Setes de Seronda. Maraviyosu. El Pixín de gran calidá, desfacer nel platu, y la combinación col Suquet de moxón y la cenahoria blanca (Chirivías) da-y un toque xenial. Lo que más destaca ye'l pixín. Gran platu.


Manos de Corderu rellenes de les sos Monizueles al Estilu Marrakech con Sobrasada de Corderu y un Figu Rustíu con Miel. Otru gran platu. Contundente, pero bien ricu. La sobrasada mata un pocu'l corderu cuando lu entemeces tou, pero'l corderu col figu queda bárbaro. Quiciabes un pelín menos de sobrasada. Golor bien consiguíu d'especies, mui Marrakech.

Yá empezábamos a amorrentar. Pero entá faltaben los postres.


Milfueyes d'Arroz con Lleche con Xeláu de Lleche Merengao. Un postre especialmente dedicáu a les Xornaes del Desarme d'Uviéu, y que dan como extra nel menú. Un milfueyes "orixinal" con un arroz con lleche suavísimo y que combina perbién con esi xeláu. Gran postre.


Frutos Coloraos Maceráos en Zusmiu de Naranxa Sanguina y Azucar Moscováu. Crema Invertida de Yogur y Vainilla xelada.  Xenial combinación d'ácidos y duces. Ye un postre quiciabes menos arriesgáu, pero resultón. Perfectu broche final.


Colos cafés traxéronnos unes trufes, maraviyoses.


Pa beber, escoyemos La Graviere Lalande de Pomerol, 2010. Pergrande vinu, fuerte, con presencia, y persistencia. Encantónos. Ye caru, pero paga la pena.

Cena perfecta, con una cocina maraviyosa y un vinu al altor. Y equí vien el "pero", dempués de probar n'otra ocasión el maridaxe, creemos que nun ta al altor de la cocina. Muncho meyor comer el menú con una bona botella de vinu o sidra brut.

Bona carta de vinos, con reseñes a bastantes DOs distintes, y bona ufierta de vinu y sidra asturiano, encabezando la carta de vinos, como ten de ser. La nuesa felicitación a Francisco Álvarez, so sumiller.

Amás, tienen Menú pa Celiacos y Vexetarianos.




No hay comentarios

Publicar un comentario