Publicidá

Blog Archive

Contact Me

Nombre

Correo electrónico

Mensaje

Hover Setting

default

Casa Cofiño

Direición: Barrio Caviedes - Cantabria
Teléfonu:  942 708 068



Recomendaciones: Cocíu Montés y Callos
Facebook: https://www.facebook.com/pages/Casa-Cofiño


Calidá: 3/5
Preciu: 22€


Comentarios: Caviedes foi'l pueblu más guapu de Cantabria 2006, una especie de "Pueblu Exemplar d'Asturies" pero en Cantabria. Y la verdá ye que ye un pueblu preciosu pol que merez la pena dar un paséu. Cases restauraes, ilesia preciosa y dalguna casona de les guapes.

Ellí, y tres una visita a les Cueves del Soplao (que s'atopen mui cerca en coche) fuimos comer a Casa Cofiñu, restorán de fama de la zona.

Lo primero, si vais hasta ellí, acutái. Ye un sitiu grande, pero siempres ta llenu.

Casa Cofiñu ye un chigre-tienda de los d'antes, restauráu pero ensin perder esi encantu a tradicional que tanto nos gusta. Poca lluz, parés de piedra y onde, amás, puedes adquirir productos típicos cántabros (y dalgunu asturianu). Si'l día acompaña, tienen una pequena terraza onde puedes tomar daqué antes de pasar a la mesa.

Dientro, salones grandes y trasiegu de camareros con potes de cocíu montés.



Comimos 7 persones. Y fuimos de cabeza a pola especialidá de la casa. Cocíu Montés. El cocíu montés ye esactamente igual que'l pote asturianu. Lo que pasa qu'ellí lo llamen Cocíu Montés, y amás, nesti casu, añadieron al Compangu Morciella d'Arroz.
 


El cocíu taba buenísimo. Pota al centru la mesa y raciones de sobra pa repetir toos (y al poco de sirvilo preguntáronnos si queríamos más). Faba tienra, verdura y compangu aparte. La morciella d'arroz nun tán ente les mios favorites, pero'l restu del compangu taba bien bonu.

Repetimos toos.


Otru de los platos marca de la casa que nos encamentaron fueron los Callos. Sirviéronnos una cazuela con unes pataques frites aparte. Callos un pocu gordinos pal mio gustu, pero bien sabrosos
.

Gustaron enforma.


Siguimos con unes Rabes de Calamar. Bona ración pa unes rabes de les bones. Perrica ración.


Acabamos con una tapa de Llombu, otra de los encamientos, anque nos quedó nel tinteru pidir unes Albóndigues, una de les especialidaes de la casa. Pa la siguiente. El llombu, bonu.

Tolos postres son caseros y bonísimos.


Pidimos Xeláu de Turrón.


Tarta de Quesu.



Requesón.



Milfueyes.

Y ganó claramente la tarta de quesu. Per rica.


Pa beber, sabéis que siempres nos presta probar el productu local, asina que nos animamos con un Picos de Cabariezo Joven, vinu de la Tierra de Llébana, con mencía, tempranillu y garnacha. Nun gustó enforma, recordónos a los antiguos vinos de Cangas, poco integraos y demasiáu "fuertes".

Tienen una carta de vinos enorme (unes 700 referencies). Y ente elles, referencies asturianes tantu nel tintu como nel blancu. A ver si aprendemos, qu'atopamos más fácilmente vinu asturianu en Cantabria qu'en Asturies.


Con cafés y unos clines caseros (bien ricos), pagamos 22€ per cabeza.

Sitiu mui recomendable. Paga la pena una visita a la zona, una bona comida casera en casa Cofiño y un paseín pol pueblu pa baxar la fartura. Vamos repetir pa probar eses albóndigues. Amás nos chivan que tien una selección de güisquis espectacular. 


No hay comentarios

Publicar un comentario