Publicidá

Blog Archive

Contact Me

Nombre

Correo electrónico

Mensaje

Hover Setting

default

Vinoteo: Cata de Conservas La Brújula

Direición: C/Campoamor, Nº 29 - Uviéu /Oviedo
Teléfonu: 984 081 696



Web: http://vinoteo.com/
Facebook: https://es-es.facebook.com/vinoteo
Twitter: [@vinoteo] https://twitter.com/vinoteo

CONSERVES LA BRUJULA

Web: http://www.conservaslabrujula.com/
Facebook: https://www.facebook.com/conservaslabrujula/
Twitter: [@_labrujula_] https://twitter.com/_labrujula_
Intagram: [@conservaslabrujulahttps://www.instagram.com/conservaslabrujula/


Conocí Conserves La Brújula gracies a el mio amigu Lolo y la so Cafetería / Vinatería La Brújula n'Avilés (si nun lu conocéis, yá táis tardando). Falóme d'Oscar Sobrín y la so pasión poles conserves, perdón, poles bones conserves. Porque esisten. Y pudimos comprobalo na cata que fiximos la selmana pasada nel Vinoteo.

Ellí Oscar falónos de cómo consiguir qu'una conserva sía un productu de primera prindándolo nuna cápsula del tiempu y cuando los primeros incrédulos empezaben a arquiar les ceyes, pudo demostralo tomando direutamente'l so productu de la llata ensin más aditamentos. Tou un espectáculu.


Conserves la Brújula naz nes Ríes Baxes, en Galicia. En Ribadumia. Y d'esa zona ye d'onde llogren prauticantemente tolos sos productos (salvo les anchoes que van a Santoña a por elles). Son productos de primera calidá y conxugando l'artesanía de la selección manual coles meyores teunolóxiques nel mundu de la conserva.


P'acompañar les conserves, tastiamos los vinos de Bodegas Martínez Bujanda  (La Rioxa) cola presencia d'Arnaud Lisoir, el so representante. Bodegueros dende 1889, yá tienen 5 bodegues en toa España de distintes Dos.


Empezamos probando'l so Verdeyo Nuevu 2015 Finca Montepedroso. Un vinu que destaca por alloñase de la moda actual d'arumes tropicales o artificiales. Ye un verdeyo clásicu, con crianza de 5 meses sobre madre y, polo tanto, con más percorríu na boca que los verdeyos a los que tamos avezaos.


P'acompañalo, probemos direutamente de la llata les Sardines n'Aceite d'Oliva, xoubiña galega. Esmoquen na fábrica, quítase-yos la cola y la cabeza (y colla les coraes), llavase-yos en salmoria pa que pillen so puntu de sal, tosten al vapor pa sellales y que nun apurren otros sabores o golores y rellénense con aceite d'oliva.


De siguío probemos un platu ellaboráu pola cocina del Vinoteo col productu la llata (asina sería tola nueche) y Juanjo presentónos un Tex Mex de Sardinilla. Nachos con Guacamole, Mueyu Rancheru, Encurtido de Cenahoria, Cilantru y Xalapeño. Puru rock'n'roll que fixo probar esi percorríu na boca sobre madre del Verdeyu. Espectacular pa entamar.


Siguimos colos Moxones n'Escabeche. Quiciabes una de les conserves favorites de la nueche. La cremosidá y la testura, y l'escabeche suave, paeciónos a toos buenísimo. Oscar cuntónos que primero tuesten los moxones n'aceite d'oliva, darréu desanicien el viso (los pelillos) y rellenen la llata con escabeche.


El platu ellaboráu pa los moxones foi una Cucharina de Mahonesa col mesmu Escabeche, Moxón y Mazana Verde. Como vos digo, de lo meyor de la nueche (y eso qu'el llistón tuvo siempres altu).


Camudamos de vinu y pasamos al Tintu. Cantares de Valpiedra. 100% tempranillu 2012. Un vinu "modernu", con perfeutu equilibriu ente fruta y madera, 1 añu de barrica, y qu'ameyora al dexalo alendar. Entra frutal y acaba llambión. Distintu a lo que solemos tar avezaos.


¿Bonitu del Norte o Ventrisca d'Atún? Esa foi la entruga que nos plantegó de siguío.


Empezamos probando Bonitu del Norte (o Atún Blanco). Del Cantábricu. De los bonos. Y claro, escueyen la meyor parte, la Ventrisca. Pocu qu'añadir sacantes taba buenísimu.


El platu ellaboráu foi un Gazpachu de Ventrisca con un toque de Pimienta y Vodca Smirnoff. Siguimos col rock'n'roll de Juanjo. Platu atrevíu que gustó enforma, inclusive pa moyar col llombu del bonitu. Bien bonu.


Xusto dempués pudimos oldear la diferencia de sabor ente'l Bonitu del Norte (Atún Blanco) y l'Atún común, ventresca tamién y en teoría, de peor calidá que'l bonitu. Sí que se nota la diferencia de sabor y, sobremanera, xugosidá. Sía comoquier, hai que filar finu, eh?


El platu ellaboráu foi un Pan sobre Mermelada de Pimientu y Pimientu Coloráu Asáu con Ventrisca d'Atún. Bien bonu.


Acabamos con una sorpresa, un cava Tamtum Ergo Brut Nature 2013, Cava rosao de la zona d'Alicante que quedó meyor cava d'España 2015.

Pa probar el Cava, Anchoa del Cantábricu, son filetes d'anchoa en semiconserva (hai que caltenelos en nevera) que maurecen mínimu 6 meses con sal. Un manxar espectacular.


Y como broche final, otru de los favoritos de la nueche, Brocheta con Fresa, Güevu de Falpayar, Amenorgamientu de Vinagre con Anchoa de la Brujula. Fascinante la combinación de la fresa y el güevu cola anchoa. Si queréis sorprender nuna cena ... yá sabéis.


Como veis, nueche completa aprendiendo un montón sobre'l mundu de la conserva y dándo-yos el valor que se merecen. ¿De verdá vas siguir mercando la conserva d'ufierta nel Supermercáu



No hay comentarios

Publicar un comentario