Teléfonu: 626 754 225
Web: http://www.bodegavidas.com/
Facebook: https://www.facebook.com/Bodega-VidAs-Cangas
Twitter [@BodegaVidAs]: https://twitter.com/BodegaVidAs
Instagram[@BodegaVidAs]: https://instagram.com/BodegaVidAs
Beatriz Pérez y Pepe Flórez son matrimoniu y doctores en Física y Química respeutivamente. Tres años d'estudios fora d'Asturies, decidieron tornar ya invertir na so zona natal faciendo vinu, y amás, faciendo vinu siempres dientro de la DO Cangas.
Son los postreros en llegar a la DO pero tán convirtiéndose nuna de les bodegues más actives, con mayor variedá y mayor calidá de la zona. Van adulces asitiando'l so productu, probando coses nueves y ameyorando la so calidá con criances y madre. Yá tienen nel mercáu 6 vinos (y ún que tuvimos ocasión de probar y va a allucinavos). Y tou esto namás en 4 años.
Viticultura heroica ye aquella que sigue los siguientes criterios:
El CERVIM ye l'organismu internacional que s'encarga de salvaguardala. Con éses, en visitando les viñes en propiedá que curien Pepe y Bea, ún dase cuenta de lo complicao que ye faer vinu en Cangas. Viñes en plenu monte, onde apenes de puede meter un tractor y que la so recueya seya a mano. Amás, onde se curia que'l preciu la uva sía xustu y garantice que nengún trabayador sía esplotáu. Tou eso, ensin dulda, ha de repercutir nel preciu del vinu, pero en comprobando mientres años les cartes de los restoranes, comprobemos qu'esisten vinos d'esplotación automatizada y, sí, yá podemos dicilo, de peor calidá que los vinos asturianos, a preciu muncho más caru.
Amás, Bodega Vidas apuesta pola uva autóctona asturiana y namás ellabora los sos vinos con elles, de forma monovarietal o entemeciéndoles. Tienen dos llínea principales de producción.
SieteVidas, vinos nuevos y frescos, tanto blancos como tintos; onde destaca ensin dulda el so Vidas Albarín Blanco, una auténtica xoya, fina y elegante con un toque a mazana (o inclusive melón, ye lo que tien dir de visita con enólogos). Tamién tienen un 7 Vidas Tinto, amiestu de Albarín Negru, Carrasquín, Verdexu Negru y Mencía; que ta ameyorando a pasos axigantaos y un 7 Vidas Roble, qu'añade una fermentadura en Carbayu Francés.
CienMontañas, vinos monovarietales, más ellaboraos y toos con crianza en carbayu francés. Quedamos dafechu namoraos del so CienMontañas Albarín Blanco, con crianza sobre las so propia madre. Color pálidu, con un toque de mazana más aceda en ñariz y cítricos; y en boca una acidez maraviyosa con muncha persistencia. Vinazu impresionante. CienMontañas Albarín Negru, tintu con 8 meses de barrica, bona acidez, frutal, finu y frescu. Entra solo. Y lo que munchos cunten que ye'l futuru del DO Cangas, el CienMontañas Carrasquín, vinu dafechu distintu, bien bonu y per orixinal. Golor carauterístico, color intensu, y un sabor frutal maraviyosu carauterísticu del atlánticu. Un vinu mui asturiano que de xuru que gana inda más avieyáu.
Como podéis comprobar, gran variedá (y calidá) de vinos en namás unos pocos años. Tienen una producción añal de 25000 botelles que nun para de crecer, pero apostando siempres pola calidá. Sangre nuevo, xente ilusionao y que vuelve a Cangas a xenerar riqueza y apostar pela so tierra. Un arguyu.
Gracies fonderes a Bea y Pepe, pola acoyida, por enseñanos so casa, so vida y por tresmitinos una pasión de la que volvimos, si cabe, un pocu más namoraos.
Web: http://www.bodegavidas.com/
Twitter [@BodegaVidAs]: https://twitter.com/BodegaVidAs
Instagram[@BodegaVidAs]: https://instagram.com/BodegaVidAs
Beatriz Pérez y Pepe Flórez son matrimoniu y doctores en Física y Química respeutivamente. Tres años d'estudios fora d'Asturies, decidieron tornar ya invertir na so zona natal faciendo vinu, y amás, faciendo vinu siempres dientro de la DO Cangas.
Son los postreros en llegar a la DO pero tán convirtiéndose nuna de les bodegues más actives, con mayor variedá y mayor calidá de la zona. Van adulces asitiando'l so productu, probando coses nueves y ameyorando la so calidá con criances y madre. Yá tienen nel mercáu 6 vinos (y ún que tuvimos ocasión de probar y va a allucinavos). Y tou esto namás en 4 años.
Viticultura heroica ye aquella que sigue los siguientes criterios:
- terrén con más del 30% de cairón;
- altitú cimera a 500 metros sobre'l nivel del mar;
- viñes en terraces de cultivu o parates;
El CERVIM ye l'organismu internacional que s'encarga de salvaguardala. Con éses, en visitando les viñes en propiedá que curien Pepe y Bea, ún dase cuenta de lo complicao que ye faer vinu en Cangas. Viñes en plenu monte, onde apenes de puede meter un tractor y que la so recueya seya a mano. Amás, onde se curia que'l preciu la uva sía xustu y garantice que nengún trabayador sía esplotáu. Tou eso, ensin dulda, ha de repercutir nel preciu del vinu, pero en comprobando mientres años les cartes de los restoranes, comprobemos qu'esisten vinos d'esplotación automatizada y, sí, yá podemos dicilo, de peor calidá que los vinos asturianos, a preciu muncho más caru.
Amás, Bodega Vidas apuesta pola uva autóctona asturiana y namás ellabora los sos vinos con elles, de forma monovarietal o entemeciéndoles. Tienen dos llínea principales de producción.
SieteVidas, vinos nuevos y frescos, tanto blancos como tintos; onde destaca ensin dulda el so Vidas Albarín Blanco, una auténtica xoya, fina y elegante con un toque a mazana (o inclusive melón, ye lo que tien dir de visita con enólogos). Tamién tienen un 7 Vidas Tinto, amiestu de Albarín Negru, Carrasquín, Verdexu Negru y Mencía; que ta ameyorando a pasos axigantaos y un 7 Vidas Roble, qu'añade una fermentadura en Carbayu Francés.
CienMontañas, vinos monovarietales, más ellaboraos y toos con crianza en carbayu francés. Quedamos dafechu namoraos del so CienMontañas Albarín Blanco, con crianza sobre las so propia madre. Color pálidu, con un toque de mazana más aceda en ñariz y cítricos; y en boca una acidez maraviyosa con muncha persistencia. Vinazu impresionante. CienMontañas Albarín Negru, tintu con 8 meses de barrica, bona acidez, frutal, finu y frescu. Entra solo. Y lo que munchos cunten que ye'l futuru del DO Cangas, el CienMontañas Carrasquín, vinu dafechu distintu, bien bonu y per orixinal. Golor carauterístico, color intensu, y un sabor frutal maraviyosu carauterísticu del atlánticu. Un vinu mui asturiano que de xuru que gana inda más avieyáu.
Como podéis comprobar, gran variedá (y calidá) de vinos en namás unos pocos años. Tienen una producción añal de 25000 botelles que nun para de crecer, pero apostando siempres pola calidá. Sangre nuevo, xente ilusionao y que vuelve a Cangas a xenerar riqueza y apostar pela so tierra. Un arguyu.
Gracies fonderes a Bea y Pepe, pola acoyida, por enseñanos so casa, so vida y por tresmitinos una pasión de la que volvimos, si cabe, un pocu más namoraos.
No hay comentarios
Publicar un comentario