Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: La Talamera


Direición: Plaza Santa Ana, 8 - Ribadesella / Ribeseya
Teléfonu:  984 841 040





Recomendaciones: Quesos Asturianos, Pexe y esa maraviyosa caña de Sidra Brut Viuda de Angelón



Web: http://latalamera.es/
Facebook: https://es-la.facebook.com/latalamera/
Twitter: [@latalamera] https://twitter.com/latalamera
Instagram: [@latalamera] http://instagram.com/latalamera



Anterior Entrada: http://www.lesfartures.com/2016/07/la-talamera.html



Calidá: 4/5
Preciu: 40€



Comentarios: Tornamos a La Talamera, queríamos probala tranquilamente, ayenos al traxín del branu n'ún de los sitios más turísticos d'Asturies. Ye increíble comprobar cómo baxa l'arribazón en Ribeseya y más si vas entre selmana.

Asina pudimos parolar tranquilamente con Lluis Nel Estrada, cocineru y propietariu de La Talamera y al que, nun-y presta tanto que pel hibiernu baxe.


El llocal sigue con esi encantu que tien, decoráu senciellu y con muncho gustu, con una cayuela preciosa que van camudando cada poco gracies a les bones manos de Loli (gran responsable de la decoración del llocal) y onde predomina'l quesu. Yá sabéis que Lluis Nel ye ún de los principales espertos que tenemos n'Asturies, y eso nótase. L'encamientu que faigo ye que vaigáis, pongáis nes sos manes y toméis una tabla de quesos. Depués, yá podéis empezar a pidir lo que queráis.


Y mientres tomáis esos quesos, indispensable otru de los pegollos del llocal, la caña de Sidra Brut Viuda de Angelón. Tomar sidra de barril siempres foi daqué típicu n'Asturies y perdióse por completu. Bonu, pos La Tamalera ye l'únicu local d'Asturies onde podemos faelo, y amás, non cualquier sidra. Ta impresionante, y de caña, inda meyor.


Sentámonos a la mesa a comer dos persones.


Empezamos a probar les Croquetes de Compangu. La Talamera sigue cola política de tener tola so carta ensin gluten, asina que cualquier cosa que pidáis va tar dafechu afecha. Eso danos sabores distintos a los que nun tamos tan avezaos, como nos pasó coles croquetes. Más trupes, feches con farina d'arroz y de maíz, polo que tienen un ciertu toque a boroña.


Pidimos un platu fora de carta, xusto cuando se-yos acabó'l pixín. Comimos dos Sollombos de Vaca Vieya Asturiana con Pataques y Ensalada. Buenísimo. Bien tienru. Amás, un bon cachu de carne, nel so puntu.


Pataques de verdá p'acompañar. Una gociada.


Y de postre, dos especialidaes navidiegues, Brownie de Turrón y Brownie de Chocolate. Ganó'l de chocolate.


Y repito, los dos ensin gluten. Son más "contundentes".


Para beber, una botella de Sidra Brut Reserva Prau Monga. Como siempres, impresionante.


Pagamos 88€. Entrante, dos sollombos, dos postres y una botella de sidra brut reserva. Paez caru, pero nun lu ye.

Lleven 1 añu abiertos y día a día vanse consolidando, apostando pol productu, polo asturiano y ufiertando calidá dende la cencellez. Ensin dulda, La Talamera nos presta.


No hay comentarios

Publicar un comentario