Teyedu, el meyor quesu azul del mundu 2016 - Esperiencies Gastronómiques Aramburu


EL TEYEDU

Direición: C/ Fierro, 9
Teléfonu: 984 285 781

Facebook: https://www.facebook.com/QuesosPepeBada/
Twitter: [@pepeteyedu] https://twitter.com/pepeteyedu
Instagram: [@aramburuastur] https://www.instagram.com/aramburuastur/


ARAMBURU UVIÉU

Direición: C/ Fierro, 9
Teléfonu: 984 285 781

Web: http://aramburu-asturias.es/
Facebook: https://www.facebook.com/AramburuAsturias/
Twitter: [@AramburuAstur] http://www.twitter.com/AramburuAstur/
Instagram: [@aramburuastur] https://www.instagram.com/aramburuastur/


LLAGAR SIDRA VIUDA DE ANGELÓN - POMAR

Direición: La Teyera S/N - Nava
Teléfonu: 985 716 770

Web: http://www.sidraviudaangelonpomar.es/
Facebook: https://www.facebook.com/sidrapomar.viudaangelon/
Twitter: [@sidraangelon] https://twitter.com/sidraangelon
Instagram: [@sidraviudaangelonpomar] https://www.instagram.com/sidraviudaangelonpomar/


Según el Certame más importante de quesos del mundu, que de normal se cellebra en Llondres, y n'Ochobre de 2016 fízose por primer vegada'n Donosti, el nuesu quesu Cabrales más conocíu, El Teyedu, de Pepe Bada, ye'l meyor quesu azul del mundu.


Los World Cheese Awards dexáronnos dellos premios a quesos asturianos, como al  Cabrales Vega de Tordín y a los Besos del Rei Silu, pero foi Pepe Bada col so Teyedu quien llogró la medaya SuperGold, qu'otorga'l premiu al meyor quesu azul del mundu.


Yá conocemos dende va años el llabor de Pepe yá'l so equipu (qu'esperamos en curtiu conocer inda más dcerca), poniendo Teyedu y Asturies nel mundu, y siguiendo el métodu tradicional d'ellaboración del so quesu, con muncho curiáu y muncho mimu. Pero tamién con muncho trabayu a los sos llombos, lliteral, porque'l 4x4 llega hasta onde llega yá'l trayectu hasta la Cueva inda hai que siguir faciendolo a pie y colos quilos de quesos na mochila al costazu.


Amás d'esti duru trabayu, Pepe reclama más sofitu institucional. Cúntanos con envidia cómo otros territorios, amás de subvenciones, sofiten con servicios de promoción y traductores en certames internacionales (como ésti de Donosti) y qu'el nuesu Principáu desábrise dafechu.


Con motivu del Premiu, acaben de sacar a la vienta la edición especial con namás 250 exemplares de la tirada que ganó'l Premiu a Meyor Quesu Azul del Mundu, un quesu con una maduración de 7 meses nuna cueva de los Picos d'Europa, más artesanu imposible, pieza a pieza.


P'acompañalo, Sidra Diamantes de Hielo de Viuda de Angelón. Perfecta con quesos, y más con esti Cabrales tan elegante. Llimpia la boca, y nun s'achica énte un quesu tan fuerte. Una sidra de xelu de 11,5% , con un procesu d'ellaboración bien aballador (pa consiguir una botella de 37,5cl precísase l'equivalente a 10 botelles de sidra natural). Con un azucre residual de 140g/l, una llambionada, que güel y sabe a fruta maduro pero que nun empalaga. Perfecta y qu'algamó nel 2016 el premiu a la segunda meyor sidra de xelu del mundu nel concursu de Michigan (EEXX).

0 comentarios :

Publicar un comentario