Publicidá

Contact Me

Nombre

Correo electrónico

Mensaje

Hover Setting

default

Chicolino

Dirición: Calle Egipto, 125 - Boiro - Galicia
Teléfonu:  981 844 495


Web: http://www.chicolino.es/
Facebook: https://www.facebook.com/Chicolino-restauracion
Instagram: [@chicolinorestauracion] http://instagram.com/chicolinorestauracion


Comentarios: Nun mos entruguéis cómo nin por qué, pero acabamos probando un menú de bodes en Boiro, les Ríes Baxes gallegues nel Restorán Chicolino. Supongo que munchos pasastis por ello, pero foi xuna esperiencia nueva pa nós, qu'esfrutamos como nanos.


Conocíamos A Terraza Chicolino, un sitiu preciosu con unes vistas increíbles en Pobra do Caramiñal, onde amás se come perbién. A 15 min ta Boiro, otru pueblu preciosu costeru gallegu onde s'asitien unes instalaciones enormes y precioses de los mesmos dueños, pero especializaes en bodes y eventos.


Dispon de dellos salones enormes, llugar pa celebrar ceremonies, yá un xardín central enorme preciosu que pel branu tien que ser una gociada (asina lo esfrutaremos cuando nos toque la boda). Amás tocónos un día soleyeru y pudimos esfrutar del so potencial.


Sentáronnos nuna mesa nel centru d'un salón, solos, a probar dalgún de los platos que pueden incluyise nel menú d'una boda. Dempués, en función les preferencies de los novios, ellabórase'l menú final pa la boda.


Empezamos probando dos vinos albariño. Terras Gaudas y Bouza do Rei. Gustáronnos los dos. Quiciabes más el Terras Gaudas pa tomar solo (o colos aperitivos), y el Bouza, más intensu (y con más gas) pa combinar cola comida.


Empezamos colos aperitivos fríos.


Tosta de Salmón con Quesu. Ganó ésta, anque nos prestaron les dos.


Tosta de Salmón con Anchoa.

Siguimos con dos tipos d'empanaes distintos.

Empanada de Llacón con Grelos y Empanada d'Atún.


Dambes cola masa perfecto. Mui riques.

Empezamos colos aperitivos calientes.


Croquetes de Chopu con Alioli. Lleven una base de pataques frites caseres. Bien riques. De lo meyor de la comida.


Rabín de Cigala con Miel. Xenial col toque de miel. Per orixinal.


Cola de Llagostinos con Tomate Cherry en Mueyu de Tomate Cherry. Otra combinación interesante que gustó. Xenial que explot'l tomate na boca.


Ensalada Templada de Vieira con Gambones. Vieires enormes con una ensalada. Yá sabéis lo primero qu'esapaeció del platu, non? Polo demás, normal. Lleva un pocu de calabacín amás.


Amasueles a la Marinera y Amasueles en Mueyu Verde.


Amasueles de la ría (según cuntáronnos), enormes y riques. Ganó la combinación col mueyu verde.


Empezamos colos platos. Aprófiennos qu'al ser una preba namás nos dan media ración, pa qu'asina faigamos una idea del tamañu los platos.


Llinguáu a la Plancha con Pataca Cocida y Ensalada. Quiciabes el platu más "normal" de toos. Llinguáu ricu, pero non tanto como pa ponelo nuna boda.


Brocheta Pixín con Vieira y Langostinos y Mueyu d'Oricios. Per bona la brocheta, el pixín mui bonu. Tamién queda xenial col mueyu d'oricios. Lo que nos sobra ye esi risotto cogordes y gambes que la acompaña.


Camudamos a les carnes, y pallo traxéronnos una Toallina fantástica qu'al moyala "crez". Y unos Granizaos de Mandarina y Mazana Verde pa camudar de sabor. Bien ricos los dos.


Camudamos de vinos. A tintu. Nocedal Crianza 2012 y Azpilicueta Reserva 2011.


Ganó'l Apilicueta por goliada.


Carrillera Ibérica con Milfueyes de Pataca, Bacon y Quesu. Quiciabes el meyor platu de tola comida. La carrillera nidia y esa combinación "de too un pocu" nel milfueyes gustónos d'acompañante. Bien ricu.


Sollombu Ibéricu de Gochu. Con mueyu de pimienta y pataques panaderes. Normal. Tampoco nos paez propiu d'una boda.

Llegaron los postres, y punxéronnos un pocu de too. Mil combinaciones de tartes (9 creo recordar). Ganaron la Tarta Tiramisú, de 3 Chocolates y la de Milfueyes.


Tamién, mini tarrines de sabores. Ensin dulda, el meyor la Tarrina de Tarta de Quesu.


Yá veis. Sitiu preciosu y en cocina, bon nivel. Agora que decidan los novios y nos dean una ceremonia antolóxica.


No hay comentarios

Publicar un comentario