Publicidá

Contact Me

Nombre

Correo electrónico

Mensaje

Hover Setting

default

Les Carnes de Viña Pedrosa - Asador Casa Arturo

Web: http://www.lascarnesdevinapedrosa.com/
Facebook: https://www.facebook.com/lascarnesdevinapedrosa/


ASADOR CASA ARTURO

Direición: Plaza San Miguel, 1 - Oviedo / Uviéu
Teléfonu: 985 229 488


Calidá: 4/5
Preciu: 50€


Web: http://asadorcasaarturo.com/

Comentarios:  Tres l'ésitu d'ediciones pasaes, Idea Redonda vuelve repitir na organización de Les Carnes de Viña Pedrosa. Yá van pola tercer edición y dende'l 30 de Marzu hasta'l 9 d'Abril, los carnívoros tienen la opción de visitar los meyores templos destinaos a ello n'Asturies y amestalo con una de les meyores bodegues de vinu tinto español.

Pa ello ufierten 40 Menúes alredor de la carne asturiano con precios ente 25€ y 60€, basaos nun entrante, un platu principal de carne y un postre. Siempres acompañaos d'un Viña Pedrosa Crianza @014.


Pa la presentación de les xornaes, cuntamos cola presencia d'Adolfo Pérez Pascuas, sociu fundador de Bodegues Viña Predosa, y con Jose Manuel Pérez Ovejas, xerente y enólogu de la bodega. Esplicáronnos que los sos vinos son una constante ente los meyores puntuaos na prestixosa guía Parker (inclusive llogrando un 99 sobre 100 pal so Pérez Pascuas Gran Selección @010) y qu'el so Viña Predosa Crianza 2014 (el vinu que se toma nes xornaes) ye, según la guía Gourmet el meyor crianza d'España.


Pudimos probar el vinu, y ye una Ribera potente, con 14,5º d'alcohol, pero que nun se fai nada pesáu. Muncha fruta colorao y toques a madera. Esa potencia va xenial cola la carne. Asina que la combinación nun podía ser meyor.

Presentaron les xornaes n'ún de los participantes, l'Asador Restorán Casa Arturo, asitiáu na céntrica plaza de San Miguel n'Uviéu. en diciéndonos unes pallabres, pasamos a probar el menú qu'ufierta'l restorán.


Tienen dos primeros a escoyer, Ensalada de bacaláu con verdura escabechada con caviar d'oricios o Tortiella de merluza del Cantábricu. Nun lo dudéis, la tortiella.


La ensalada ta mui bona, con un sabor conteníu del bacaláu, pero ye que la tortiella ye escepcional. Suave, pero con sabor a merluza. Ta impresionante. Repito, nun lo dudéis.


Y pasamos al platu estrella, Chuletón con pimientos del piquillo confitaos. Indicáronnos que la carne vien d'una vaca frisona de 5 o 6 años, y puedo aseguravos que la carne ye de primera. Bon corte de la carne, tienru, que nun precisa malapenes cuchiellu, con sabor, en piedra pa nun perder temperatura y acompañáu de pataques frites aparte y pimientos confitaos. Un espectáculu que te dexa ensin palabres.


Al postre nun pudi quedar, asina que non puedo cuntavos. Pero había dellos pa escoyer de la casa.


El preciu bazcuya según el restorán, nesti casu, cuesta 50€ por persona.


No hay comentarios

Publicar un comentario