Teléfonu: 985 945 048
Preciu: 25€
Web: http://www.hotelsotres.com/
Facebook: https://www.facebook.com/Hotel-Restaurante-Sotres
Comentarios: Tres la visita a la Cueva'l Teyedu, averamos a comer un menú al Hotel Sotres.
Sotres ta preciosu. Tien una vista increíble sobro Picos d'Europa y en temporada alta ta llena de turistes y montañeros. Un pueblín bien curiáu que paga la pena visitar (namás la carretera pa llegar yá ye un espectáculu).
Hotel Sotres ye un hotel bien guapín asitiáu al fondu de Sotres. Arrodiáu de verde y de montes, con unes vistes increíbles, tien una antoxana pensada pa esfrutar. Una alborada/atapecer ellí ye espectacular. Y namás pola tranquilidá que s'alienda, paga la pena la visita.
Sentámonos a comer, a eso de les 6 de la tardi. El menú costaba ente 25€ y @29€ en función del segundu qu'escoyeres. Tamos en Sotres, zona de Cabrales, asína que'l menú va bien empobináu al mesmu.
De primeru había Fabada o Ensalada al Cabrales. La Fabada ta bien, nun ye la meyor que comimos pero nun ta mal. Eso sí, el compangu ta a per bon nivel, sobremanera la morciella. Perrica. Pota al mediu la mesa y a repitir les vegaes que quieras.
La Ensalada gustó. Tou frescu y con Cabrales ... meyor inda.
De segundos había Escalopinos al Cabrales o Cabritu. Trunfó claramente'l Cabritu. Bien ricu. Bona ración amás, acompañada de pataques frites de verdá.
Los escalopines tamién tán ricos. Y vienen con una tarrina col mueyu estremada. El mueyu ye un amiestu, nun ye Cabrales puru, pero bonu, nada que nun sepáis a estes altures.
De postre, delles opciones. Yo tomé un Flan de Quesu caseru que taba bien ricu.
Pa beber, Belezos Rioja Crianza 2013. Un Rioja clásicu que se portó bien cola carne y el Cabrales. Echamos en falta Sidra de Xelu, y más con tanta visita de turistes a la zona.
La mio combinación de Fabada + Cabritu costó 29€. Con escalopinos era 25€.
Web: http://www.hotelsotres.com/
Facebook: https://www.facebook.com/Hotel-Restaurante-Sotres
Sotres ta preciosu. Tien una vista increíble sobro Picos d'Europa y en temporada alta ta llena de turistes y montañeros. Un pueblín bien curiáu que paga la pena visitar (namás la carretera pa llegar yá ye un espectáculu).
Hotel Sotres ye un hotel bien guapín asitiáu al fondu de Sotres. Arrodiáu de verde y de montes, con unes vistes increíbles, tien una antoxana pensada pa esfrutar. Una alborada/atapecer ellí ye espectacular. Y namás pola tranquilidá que s'alienda, paga la pena la visita.
Sentámonos a comer, a eso de les 6 de la tardi. El menú costaba ente 25€ y @29€ en función del segundu qu'escoyeres. Tamos en Sotres, zona de Cabrales, asína que'l menú va bien empobináu al mesmu.
De primeru había Fabada o Ensalada al Cabrales. La Fabada ta bien, nun ye la meyor que comimos pero nun ta mal. Eso sí, el compangu ta a per bon nivel, sobremanera la morciella. Perrica. Pota al mediu la mesa y a repitir les vegaes que quieras.
La Ensalada gustó. Tou frescu y con Cabrales ... meyor inda.
De segundos había Escalopinos al Cabrales o Cabritu. Trunfó claramente'l Cabritu. Bien ricu. Bona ración amás, acompañada de pataques frites de verdá.
Los escalopines tamién tán ricos. Y vienen con una tarrina col mueyu estremada. El mueyu ye un amiestu, nun ye Cabrales puru, pero bonu, nada que nun sepáis a estes altures.
De postre, delles opciones. Yo tomé un Flan de Quesu caseru que taba bien ricu.
Pa beber, Belezos Rioja Crianza 2013. Un Rioja clásicu que se portó bien cola carne y el Cabrales. Echamos en falta Sidra de Xelu, y más con tanta visita de turistes a la zona.
La mio combinación de Fabada + Cabritu costó 29€. Con escalopinos era 25€.
No hay comentarios
Publicar un comentario