Contact Me

Nombre

Correo electrónico

Mensaje

Hover Setting

default

El Ferroviario

Direición: Gascona 5 - Oviedo / Uviéu
Teléfonu: 985 225 215



Recomendaciones: Sidra y ... a esfrutar.


Facebook: https://www.facebook.com/elferroviario/
Instagram: [@el.ferroviario] https://instagram.com/el.ferroviario


Calidá: 3/5
Preciu: 25€


Comentarios: ¿Quién nun conocía'l míticu Ferroviariu na Cai Gascona? Ún de los llocales qu'aguantaron hasta'l final con ese arna de chigre que tantu nos presta y onde, amás, siempres comimos bien.


Tres un trespasu, la xente de La Finca o La Mar y Morena ficiéronse col llocal, peslláronlu los meses d'iviernu para fae-y un fonderu llaváu de cara y abrió fai 1 mes al públicu aprovechando'l tirón del branu en Gascona.


Tuvimos na inauguración, pero queríamos probalo sele. Dientro de too lo sele que puede cenase nun llocal de Gascona en plenu branu. Ye increíble la cantidá de xente qu'hai.


La reforma ye bien acertada. El llocal sigue con ese arna de chigre. Ye afayadizu y tou ta con bon gustu. Tien una zona de barra para tomar sidra, como'l chigre orixinal. Y unes meses de pie pa sentase tranquilamente.


Al fondu, zona amplia con meses para comer. Cocina abierta y otra barra para desentartallar un pocu'l pescuezu de botella (de sidra) del principiu del local.


Y a lo fonderu de lo fonderu, otru salón ampliu que s'usaba d'antiguo para espiches. Agora puedes cenar, y tien tamién una pipa de sidra.


Percima de too, lo que más nos presta del chigre ye'l cuidu que tienen pola sidra. Al igual que na Finca, nel Ferroviariu echente sidra siempres, y bien echao. Amás, tienen 10 palos distintos de sidra, tomando toles zones productores sidreres d'Asturies, con Sidra Natural y Sidra DOP. Y la idea ye que cada sidra tenga'l so preciu, en función de lo bono que tea esi llote. Como ha de ser.


Amás, tienen una selección de quesos asturianos fecha por Aitor Luis Vega.


Sentámonos a cenar 3 persones. A lo fonderu de lo fonderu, trasiegu continuu de xente y camareros echando sidra, pero meses amplies y cenando a gustu. Tien méritu.


Empezamos con unos Fritos de Pixín Negru y Mayonesa Cítrica. Queríamos probar el contraste colos cítricos, anque la mayonesa ye poca y vien nun aparte. Los fritos, ricos. Amás bona ración.


Verdurines Saltiaes al Wok con Gochín Asturcelta. El nuesu favoritu de la nueche. Per bona. Contrastes de colores y sabores. Platazu enorme con bones cantidaes del gochín.


Ah, yá'l gochu asturcelta ye de verdá, qu'esa mesma tarde tuvimos con Moisés, el Presidente de l'Asociación del Gochu Asturcelta y encamentónoslu.


Finamos con una Chuleta de Vaca Frisona "Vegastur" (Carne con sabor a infiltración de grasa) 1kg aprox. Entendimoslo mal y nun yera frisona criada n'Asturies, asina que queda pa otra pidir otra chuleta de vaca asturiana. Suave, entró xenial. Y con sidra, esta chuleta, bien rica. Mui recomendable.


Vien acompañada d'unes pataques de les de verdá, y unos pimientos.


A los postres nun llegamos.


Para beber, pidimos Sidra Natural Viuda de Angelón y Sidra DOP del mesmu llagar Práu Monga, pa probar los distintos palos y cual gustábanos más. Amás, poder probalo ellí mesmu col llagarero siempres ye un plus. Encántanos.


Pagamos 86€. 


Siempres ta llenu, inclusive ente selmana, y más nestes dómines. Asina que si quies mesa, meyor acuta. La rotación ye alta, pero meyor curase en salú.


¡Ah!, como l'antiguu Ferroviariu, tien un anexu pa fiestes privaes o espiches con barra propia, que tamién abren al públicu cuando nun ta reserváu. Bien guapu.


No hay comentarios

Publicar un comentario