Teléfono: 984 180 707
Recomendaciones: Menú Degustación
Calidá: 4/5
Preciu: 35€
Web: http://www.kocima.es/
Facebook: https://www.facebook.com/kocimaoviedo/
Intagram: [@kocima_seleccion] https://www.instagram.com/kocima_seleccion/
Anterior Visita: http://lesfarturesast.blogspot.com.es/2016/06/kocima-templu-gastronomicu-de-simiciu.html
Comentarios: Cómo dir cenar a una tienda de productos gourmet n'Uviéu y cenar meyor que nel 90% de los restoranes de la ciudá (inclusive podemos xubir el porcentaxe agora que Married abandónanos pol oriente asturianu).
De Kocima yá vos falamos l'añu pasao, cuntándovos que llegaron para faese un buecu nel mundu gourmet na ciudá y que, a pesar del allugamientu, adulces van ganando un nome, apostando pola orixinalidá y por ufiertar productu distintu. El so apueste ye'l productu asturianu diferenciador, y tienen una de les meyores selecciones de cerveza artesano que puedes atopar (fecha por Andrés Torre, del Lúpulu Feroz).
Tres una reforma nel almacén de la tienda, disponen d'una pequena cocina cola que pueden ufiertar pequenes prebes y cenes harmonizaes con productos de la tienda. Guillermo Cima, cocineru y dueñu de la tienda, con esperiencia en delles Estrelles Michelín, xuntu con David Vilasboas, ufierten una esperiencia única, qu'agora mesmu nun vas poder esfrutar en prácticamente nengún sitiu.
Una cena para máximu 6 persones, avisando con 24/48h d'antelación, solos, n'una tienda preciosa, arrodiada de productos gourmet, nun ambiente íntimo a más nun poder y con tou cocináu n'esclusiva para ti. Y tou esto por solu 35€ (bebida aparte).
La bébora va aparte, y ye otru de los puntos fuertes del llocal. Tienes a la to disposición una selección de vinos distintos, orixinales y a per bon preciu. De les meyores variedaes de Sidra (Brut, Brut Nature, Xelu, Miel ...) y de Cerveces Artesanes. Y, amás, siempres vas atopar vinu, sidra y cerveza asturianos de primera calidá.
Sentámonos a cenar dos persones. La tienda para nós. Y Guillermo cocinando. Un lluxu.
L'ambiente ye perfectu. La selección de bébores ye enorme. Pero ye qu'amás, Guillermo cocinando ye increíble. Y apurre matices distintos alloñaos de les convenciones estándares d'anguaño, lo cual tien méritu enforma. La so firma va de llenu nesti menú degustación que tomamos, que nos encantó y qu'amás tien la maxa de cuntar con un puntu de chocolate en tolos platos que lu componen. Dacuando cuesta aldovinalo, pero ún de los puntazos de la cena foi intentar atinar onde y cuando taba'l chocolate en ca platu.
Empezamos con Centenarium Premium de Nobleza del Sur. Ún de los meyores aceites d'oliva que puedes atopar nel mercao. 100% picual. Acompañáu d'un pocu de sal. Y col pan ... foi perfectu para dir abriendo boca.
El primera aperitivo son unes Croquetes. Unes de Morciella y otres de Llombu Ibéricu. Les de Llombu son llíquides per dientro. Increíble'l toque de chocolate cola morciella y apertar la croqueta de llombu contra'l cielu la boca y notar cómo esplota dientro la to boca.
Per bones.
Macaron de Cacáu relleno de Foie con Praliné d'Ablanes. Ún de los puntos fuertes de la cena. Alcordanza a Campoviejo con una combinación espectacular ente'l cacáu yá'l foie. Queda pa l'alcordanza.
Siguimos con una Variedá de Cogordes sobro Pan Cruxente. Una base de pan con cogordes negres, cogordes blancos, trompetes ... una base de carne y un toque picante. Pa comer de dellos bocaos y prestase colos matices. Indispensables pa los fans de les cogordes (como nós).
Otru de los puntazos de la cena. Gazpachu d'Arándanos. Con sésamu de cacáu. Lleva un remexu d'aceite Centenarium Premiu sobro'l sésamu, y tien un sabor a arándanos total. Toque de pimientu tamién. Nun lleva pepinu. Per ricu.
Empezamos colos platos. Arroz Negro con Alioli d'Albahaca. Calamar de potera, con una testura perfecta. Xenial el contraste de la tinta cola albahaca, orixinal. Mui bonu.
Yá'l platu de carne, Rabu Guisáu con Panceta Ibérica nel so Zusmiu. Impresionante platu. Un zusmiu de 3l llitros amenorgáu al máximu mientres 14h, dando una testura trupa con una intensidá increíble que llega a tolos puntos de la boca. Un rabu nidiu, perfectu, envolubráu con panceta. Un platu intensu, con muncho sabor acompañáu d'un puré de pataques con un toque de wasabi. Xenial.
Yá sabéis qu'en casi tolos menúes, el puntu débil ye'l postre. Pos esti nun ye'l casu. Semiesfera de Chocolate. Amiestu de polvu de macaron, con plátanu confitáu y con polvu de turrón duru. La semiesfera, cubierta de chocholate, per dientro chocolate blancu y nel centru, como sorpresa, un toque de quesu Nube de Val de Cinca.
Espectacular postre.
Para beber, quedamos con una Wild Swan de Thornbridge. Una Pale Ale suave con toques cítricos y refrescante. Foi perfecta na cena.
Y pa finar, por si fora poco, unes mini trufes caseres que ... son increíbles.
Siempres hai que sofitar les idees nueves, y cenar n'una tienda, tu solo, ye un puntazo que nos encantó. Si amás, afayes a un gran cocineru como Guillermo, entós, la esperiencia en Kocima ye redonda. ¿L'únicu problema? Qu'en cuanto acabes la cena, vas querer mercar media tienda.
Preciu: 35€
Web: http://www.kocima.es/
Facebook: https://www.facebook.com/kocimaoviedo/
Intagram: [@kocima_seleccion] https://www.instagram.com/kocima_seleccion/
Anterior Visita: http://lesfarturesast.blogspot.com.es/2016/06/kocima-templu-gastronomicu-de-simiciu.html
Comentarios: Cómo dir cenar a una tienda de productos gourmet n'Uviéu y cenar meyor que nel 90% de los restoranes de la ciudá (inclusive podemos xubir el porcentaxe agora que Married abandónanos pol oriente asturianu).
De Kocima yá vos falamos l'añu pasao, cuntándovos que llegaron para faese un buecu nel mundu gourmet na ciudá y que, a pesar del allugamientu, adulces van ganando un nome, apostando pola orixinalidá y por ufiertar productu distintu. El so apueste ye'l productu asturianu diferenciador, y tienen una de les meyores selecciones de cerveza artesano que puedes atopar (fecha por Andrés Torre, del Lúpulu Feroz).
Tres una reforma nel almacén de la tienda, disponen d'una pequena cocina cola que pueden ufiertar pequenes prebes y cenes harmonizaes con productos de la tienda. Guillermo Cima, cocineru y dueñu de la tienda, con esperiencia en delles Estrelles Michelín, xuntu con David Vilasboas, ufierten una esperiencia única, qu'agora mesmu nun vas poder esfrutar en prácticamente nengún sitiu.
Una cena para máximu 6 persones, avisando con 24/48h d'antelación, solos, n'una tienda preciosa, arrodiada de productos gourmet, nun ambiente íntimo a más nun poder y con tou cocináu n'esclusiva para ti. Y tou esto por solu 35€ (bebida aparte).
La bébora va aparte, y ye otru de los puntos fuertes del llocal. Tienes a la to disposición una selección de vinos distintos, orixinales y a per bon preciu. De les meyores variedaes de Sidra (Brut, Brut Nature, Xelu, Miel ...) y de Cerveces Artesanes. Y, amás, siempres vas atopar vinu, sidra y cerveza asturianos de primera calidá.
Sentámonos a cenar dos persones. La tienda para nós. Y Guillermo cocinando. Un lluxu.
L'ambiente ye perfectu. La selección de bébores ye enorme. Pero ye qu'amás, Guillermo cocinando ye increíble. Y apurre matices distintos alloñaos de les convenciones estándares d'anguaño, lo cual tien méritu enforma. La so firma va de llenu nesti menú degustación que tomamos, que nos encantó y qu'amás tien la maxa de cuntar con un puntu de chocolate en tolos platos que lu componen. Dacuando cuesta aldovinalo, pero ún de los puntazos de la cena foi intentar atinar onde y cuando taba'l chocolate en ca platu.
Empezamos con Centenarium Premium de Nobleza del Sur. Ún de los meyores aceites d'oliva que puedes atopar nel mercao. 100% picual. Acompañáu d'un pocu de sal. Y col pan ... foi perfectu para dir abriendo boca.
El primera aperitivo son unes Croquetes. Unes de Morciella y otres de Llombu Ibéricu. Les de Llombu son llíquides per dientro. Increíble'l toque de chocolate cola morciella y apertar la croqueta de llombu contra'l cielu la boca y notar cómo esplota dientro la to boca.
Per bones.
Macaron de Cacáu relleno de Foie con Praliné d'Ablanes. Ún de los puntos fuertes de la cena. Alcordanza a Campoviejo con una combinación espectacular ente'l cacáu yá'l foie. Queda pa l'alcordanza.
Siguimos con una Variedá de Cogordes sobro Pan Cruxente. Una base de pan con cogordes negres, cogordes blancos, trompetes ... una base de carne y un toque picante. Pa comer de dellos bocaos y prestase colos matices. Indispensables pa los fans de les cogordes (como nós).
Otru de los puntazos de la cena. Gazpachu d'Arándanos. Con sésamu de cacáu. Lleva un remexu d'aceite Centenarium Premiu sobro'l sésamu, y tien un sabor a arándanos total. Toque de pimientu tamién. Nun lleva pepinu. Per ricu.
Empezamos colos platos. Arroz Negro con Alioli d'Albahaca. Calamar de potera, con una testura perfecta. Xenial el contraste de la tinta cola albahaca, orixinal. Mui bonu.
Yá'l platu de carne, Rabu Guisáu con Panceta Ibérica nel so Zusmiu. Impresionante platu. Un zusmiu de 3l llitros amenorgáu al máximu mientres 14h, dando una testura trupa con una intensidá increíble que llega a tolos puntos de la boca. Un rabu nidiu, perfectu, envolubráu con panceta. Un platu intensu, con muncho sabor acompañáu d'un puré de pataques con un toque de wasabi. Xenial.
Yá sabéis qu'en casi tolos menúes, el puntu débil ye'l postre. Pos esti nun ye'l casu. Semiesfera de Chocolate. Amiestu de polvu de macaron, con plátanu confitáu y con polvu de turrón duru. La semiesfera, cubierta de chocholate, per dientro chocolate blancu y nel centru, como sorpresa, un toque de quesu Nube de Val de Cinca.
Espectacular postre.
Para beber, quedamos con una Wild Swan de Thornbridge. Una Pale Ale suave con toques cítricos y refrescante. Foi perfecta na cena.
Y pa finar, por si fora poco, unes mini trufes caseres que ... son increíbles.
Siempres hai que sofitar les idees nueves, y cenar n'una tienda, tu solo, ye un puntazo que nos encantó. Si amás, afayes a un gran cocineru como Guillermo, entós, la esperiencia en Kocima ye redonda. ¿L'únicu problema? Qu'en cuanto acabes la cena, vas querer mercar media tienda.
No hay comentarios
Publicar un comentario