Contact Me

Nombre

Correo electrónico

Mensaje

Hover Setting

default

Aitor Luis Vega - Kocima - Cerveza VOR


EXCLUSIVAS VEGA

Direición: Plaza de Abastos de La Felguera
Teléfonu: 630 476 475

Web: http://www.exclusivasluisvega.com/
Facebook: https://www.facebook.com/aitorluisvega
Twitter: [@AitorLuisVega] https://twitter.com/AitorLuisVega
Instagram: [@aitorluisvega] https://www.instagram.com/aitorluisvega/


Comentarios: Tolos que mos lleéis davezu conocéis la nuesa amistá y almiración por Aitor Luis Vega. Dende un pequeñu puestu na Plaza d'Abastos de La Felguera, ta faciendo qu'Asturies y media península ibérica, vuélvase lloca pol quesu.

Con muncho esfuerzu, pasión, idegues nueves (yá orixinales), ta poniendo en valor Asturies como ún de los principales destinos queseros del mundu, y amás ta dexándonos probar a precios algamadizos, los meyores quesos del mundu.


Tou ello dende la humildá d'un pequeñu puestu, n'una plaza d'abastos que namás abre pela mañana, con toles dificultaes qu'ello supon, pero marcando'l camín a siguir al pequenu comerciu. Ensin perder esa cercanía necesaria, reinventase y utilizar les nueves teunoloxíes para consiguir que lo alloñao vuélvase cada vez más cercanu.

Como-y van les coses tan bien (¡¡namás el pasáu fin de selmana, tuvo un puestu de quesu en 17 bodes!!!), el so antiguu almacén quedó pequeñu. Polo qu'afixo una nave onde poder ordenar, preparar los pidíos, y caltener nes meyores condiciones posibles los quesos.

Porque Aitor ye un afinador de primera. Viende cada quesu nel so estáu óptimo de consumu. Falágalu, da-y da la vuelta cuando lo precise y véndelu cuando él considera que'l quesu ta llistu, munches vegaes perdiendo tiempu y dineru. Pero, para él, afortunádamente, lo primero ye'l quesu yá'l veceru.




P'amosanos les nueves instalaciones, xuntónos a Damián Arana, ellaborador de la Cerveza Vor y propietariu del llocal que probablemente faiga les meyores hamburgueses de Xixón Vor&Bier, a Guillermo Cima, cocineru y propietariu de la Tienda/Restorán Kocima y a mi. El cerveceru apurrió cerveza, y el cocineru, dalguna ellaboración alredor del quesu.

N'enseñando les instalaciones, probemos un Rey Silo, pero con 3 meses de mauración en vegada del mes habitual col que lu saquen a la vienta. Inclusive voltiandolo nel almacén pa que caltenga la testura uniforme.


Amás, hubo Morbier, Orígen de Lazana, Payoyo (pero d'oveya, non el de cabra. Muncho meyor), Idiazabal de Pastor (el bonu, el d'oveya), Comté, Lluna Nueva d'Elvira García y Pría 3 Lleches Azul.


Mentanto, Guillermo fíxonos una crema de Geo de Lazana con Remolacha y Arándanos, que taba para morrese.


Y Damián foinos presentando les sos cerveces. Empezamos con Voragine, la so cerveza más conocida, una Golden Ale de 5,8%, fresca y qu'entra perbién. Ganen los regustos a la malta. La so cerveza más "touterrén" y portóse perbién colos quesos.


Siguimos cola so cerveza d'iviernu, Noega, más fuerte, 8%, al estilu belga. Una cerveza pa cuando apierta'l fríu, para tomar reposadamente y casi a temperatura d'ambiente.



Latitud 43. Una Pale Ale al estilu inglés, onde predomina'l golor a carambelu. Encántanos el nome de la cerveza, yá que Damián vivía nel paralelu 43 Sur na Patagonia, cuando empezó a ellaborar cerveza. Y acabó montando una empresa para faer cerveza nel paralelu 43 Norte, en Xixón.


Avorigen, una IPA con 6% d'alcohol. Un pasu más allá d'amargos que Llatitú 43, anque a mi gustóme más Llatitú. Ye más equilibrada.


Llegaos a esi puntu, Aitor echó'l restu y abrió un Teyedu Reserva. El meyor quesu azul del mundu. 1 añu de maduración para un quesu que casi se paez más a una pasta, pero que tien un sabor per elegante. Elegancia, daqué qu'enxamás esperaríes d'un Cabrales.


Ta equilibráu, sabe a gloria bendita y encántanos. Paninos, fundilos y ... a esfrutar.


Acabamos con unos Profiletores, creación de Guillermo. Afuega'l Pitu Atroxáu, con Arándanos esmagayaos con almibre y nata semimontada. Fascinantes.

Cuando xuntes bona xente y talentu, namás pueden pasar bones coses. Xente que vien de distintos productos, inclusive de distintes cultures, xuníes pola mesma pasión. Y daba gustu aldericar, inclusive discrepar pero aprendiendo a ponese nel llugar del otru. Lujazu de tarde/nueche.


No hay comentarios

Publicar un comentario