Nueva Visita: La Calenda

Direición: Plaza Carbayu, 4 Avilés

Teléfonu: 985 564 369

Visitas Anteriores: http://lesfarturesast.blogspot.com.es/2016/06/nueva-visita-la-calenda.html

Calidá: 4/5
Preciu: 30€

Comentarios: Si te presta'l Bonitu, La Calenda ye ún de los tos sitios de referencia. Ye un vieyu conocíu d'esti blog, y yá sabéis que nos encanta pola calidá de la so cocina, el so allugamientu fantásticu, la so decoración rústica, la so amabilidá y tamién pol so preciu. Cocina de productu, ensin entueyos, pero con un productu de primera escelentemente tratáu por Jose Manuel Sierra.

Pero güei centramos nel Bonitu en La Calenda . Ye ún de los sos productos estrella, y siempres que tamos en temporada, averamos a probalo. Fora de carta, ufierta platos fechos a base de Bonitu y prepáralos de mil formes distintes

Ensin dulda, la estrella ye la Ventrisca. Y puedes pidila per encargu. Llames p'acutar y entrugues. Y si la hai, has de pidila. Nós fuimos un día n'esclusiva para comela y ye espectacular.

Pero esi día yá nun quedaba, asina que fiximos un menú completu a base de platos de Bonitu. A cada cual más bonu.

Empezamos con un Carpaccio de Bonitu. Con un pocu d'aceite. Buenísimo.

Siguimos con unos Tacos de Bonitu con Langostinos y Gula. Un revueltu con un toque picante bien allegre.

Y acabamos con un Bonitu Guisáu con Patatinos. El mio favoritu de los 3. Espectacular.

De postre, y como tábamos a puntu d'españar, unes Natielles caseres, que tán realmente bones.

Y para beber, un verdejo Piedra. Toque a frutes tropicales qu'entró perbién col bonitu.

Pagamos por tou, 59€. Como veis, un preciu realmente escepcional.